ਵੈਟਨਰੀ ਇੰਸਪੈਕਟਰਜ਼ ਐਸੋਸੀਏਸ਼ਨ ਵੱਲੋਂ  ਤ੍ਰਿਪਤ ਰਜਿੰਦਰ ਸਿੰਘ ਬਾਜਵਾ  ਨੂੰ ਕੈਬਨਿਟ ਮੰਤਰੀ ਬਣਨ ਤੇ ਢੇਰ ਸਾਰੀਆਂ ਮੁਬਾਰਕਾਂ

ਅੱਜ ਸਟੇਟ ਵੈਟਨਰੀ ਇੰਸਪੈਕਟਰਜ ਐਸੋਸੀਏਸ਼ਨ ਦੇ ਸੂਬਾ ਪਰਧਾਨ ਭੁਪਿੰਦਰ ਸਿੰਘ ਸੱਚਰ ਦੀ ਅਗਵਾਈ ਅਧੀਨ ਸਮੁੱਚੀ ਸੂਬਾ ਕਮੇਟੀ ਵੱਲੋਂ ਸੁਖਜਿੰਦਰ ਸਿੰਘ ਰੰਧਾਵਾ ਉੱਪ ਮੁੱਖ ਮੰਤਰੀ ਅਤੇ  ਤ੍ਰਿਪਤ ਰਜਿੰਦਰ ਸਿੰਘ ਬਾਜਵਾ  ਨੂੰ ਕੈਬਨਿਟ ਮਨਿਸਟਰ ਬਣਨ ਤੇ ਵਧਾਈ ਦਿੱਤੀ। ਸੂਬਾ ਪਰੈਸ ਸਕੱਤਰ ਕਿਸ਼ਨ ਚੰਦਰ ਮਹਾਜਨ ਨੇ ਕਿਹਾ ਸੁਖਜਿੰਦਰ ਸਿੰਘ  ਰੰਧਾਵਾ ਅਤੇ  ਤ੍ਰਿਪਤ ਰਜਿੰਦਰ ਬਾਜਵਾ  ਜਮੀਨ ਨਾਲ ਜੁੜੇ ਆਗੂ ਹਨ ਜੋ ਸਮਾਜ ਦੇ ਹਰ ਵਰਗ ਦੀਆਂ ਮੁਸਕਿਲਾਂ ਨੂੰ ਨੇੜਿਓ ਸਮਝਦੇ ਹਨ। ਸਰਦਾਰ ਚਰਨਜੀਤ ਸਿੰਘ ਚੰਨੀ ਮੁੱਖ ਮੰਤਰੀ ਪੰਜਾਬ  ਜੀ ਵੱਲੋਂ  ਰੰਧਾਵਾ ਅਤੇ ਬਾਜਵਾ ਜੀ ਨੂੰ ਦਿੱਤੀਆਂ ਜਿੰਮੇਵਾਰੀਆਂ ਦੌਰਾਨ ਵੈਟਨਰੀ ਇੰਸਪੈਕਟਰ ਕੇਡਰ ਦੀਆਂ ਮੰਗਾਂ ਅਤੇ ਮੁਸਕਿਲਾਂ ਜਲਦ ਤੋਂ ਜਲਦ ਹੱਲ ਹੋਣਗੀਆਂ।

 ਪੇਅ ਕਮਿਸ਼ਨ ਵੱਲੋਂ ਸੌਂਪੀ ਰਿਪੋਰਟ ਜਲਦ ਲਾਗੂ ਕੀਤੀ ਜਾਵੇਗੀ।ਇਸ ਮੌਕੇ ਸੂਬਾ ਜਨਰਲ ਸਕੱਤਰ ਜਸਵਿੰਦਰ ਬੜੀ, ਸੂਬਾ ਵਿੱਤ ਸਕੱਤਰ ਰਾਜੀਵ ਮਲਹੋਤਰਾ, ਸੂਬਾ ਸਲਾਹਕਾਰ ਗੁਰਦੀਪ ਬਾਸੀ,ਬਲਰਾਮ ਸ਼ਰਮਾ ਸਮੇਤ ਹੋਰ ਸੂਬਾਈ ਆਗੂ ਮੌਜੂਦ ਸਨ