ਦਿੱਲੀ ਸਰਕਾਰ ਚਾਹੁੰਦੀ ਹੈ ਕਿ ਪੰਜਾਬ ਦੇ ਥਰਮਲ ਪਾਵਰ ਪਲਾਂਟ ਬੰਦ ਹੋ ਜਾਣ : ਨਵਜੋਤ ਸਿੱਧੂ
ਬਿਜਲੀ ਸੰਕਟ : ਨਵਜੋਤ ਸਿੱਧੂ ਦਾ ਦਿੱਲੀ ਸਰਕਾਰ , ਬਾਦਲਾਂ ਤੇ ਮਜੀਠੀਆ ਤੇ ਹਮਲਾ
ਪੰਜਾਬ ਅੰਦਰ ਚੱਲ ਰਹੇ ਬਿਜਲੀ ਸੰਕਟ ਦੇ ਵਿਚ ਪੰਜਾਬ ਦੇ ਸਾਬਕਾ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਇਕ ਵਾਰ ਫਿਰ ਦਿੱਲੀ ਸਰਕਾਰ , ਬਾਦਲਾਂ ਅਤੇ ਮਜੀਠੀਆ ਤੇ ਨਿਸ਼ਾਨਾ ਸਾਧਿਆ ਹੈ ਸਿੱਧੂ ਨੇ ਅੱਜ ਫਿਰ ਟਵੀਟ ਕਰਕੇ ਕਿਹਾ ਹੈ ਕਿ ਅੱਜ, ਪੰਜਾਬ ਨੂੰ ਤਬਾਹੀ ਦੀ ਤਰਫ ਲੈ ਕੇ ਜਾਣ ਲਈ ਕੁਝ ਝੁਕੀਆਂ ਤਾਕਤਾਂ ਸਾਫ ਦਿਖਾਈ ਦੇ ਰਹੀਆਂ ਹਨ । ਦਿੱਲੀ ਸਰਕਾਰ ਚਾਹੁੰਦੀ ਹੈ ਕਿ ਪੰਜਾਬ ਦੇ ਬਿਜਲੀ ਉਤਪਾਦਨ ਦੇ ਸੰਕਟ ਦੇ ਮੱਧ ਵਿਚ ਸਾਡੇ ਥਰਮਲ ਪਾਵਰ ਪਲਾਂਟ ਬੰਦ ਹੋ ਜਾਣ ਅਤੇ ਇਸ ਗਰਮੀ ਵਿਚ ਪੰਜਾਬੀਆਂ ਨੂੰ ਬੇਸਹਾਰਾ ਛੱਡ ਦਿੱਤਾ ਜਾਵੇ ਅਤੇ ਸਾਡੇ ਕਿਸਾਨ ਇਸ ਝੋਨੇ ਦੀ ਬਿਜਾਈ ਦੇ ਸੀਜ਼ਨ ਵਿਚ ਤੜਫਦੇ ਰਹਿਣ। !!
ਇਸ ਤੋਂ ਇਲਵਾ ਸਿੱਧੂ ਨੇ ਕਿਹਾ ਹੈ ਕਿ ਬਾਦਲਾਂ ਨੇ ਥਰਮਲ ਪਾਵਰ ਪਲਾਂਟ ਨਾਲ ਪੀ ਪੀ ਏ ਤੇ ਦਸਤਖਤ ਕੀਤੇ ਅਤੇ ਮਜੀਠੀਆ ਨੇ ਨਵਿਆਉਣਯੋਗ ਊਰਜਾ ਮੰਤਰੀ ਹੋਣ ਦੇ ਨਾਤੇ ਪੰਜਾਬ ਨੂੰ ਲੁਟਣ ਲਈ (2015-17) ਦੌਰਾਨ 25 ਸਾਲਾਂ ਲਈ ਸੂਰਜੀ ਊਰਜਾ ਲਈ 5.97 ਤੋਂ 17.91 ਰੁਪਏ ਪ੍ਰਤੀ ਯੂਨਿਟ ਪੀ.ਪੀ.ਏ. ਤੇ ਦਸਤਖ਼ਤ ਕੀਤੇ । ਇਹ ਜਾਣਦੇ ਹੋਏ ਕਿ 2010 ਤੋਂ ਸੋਰ ਊਰਜਾ ਦੀ ਲਾਗਤ ਪ੍ਰਤੀ ਸਾਲ 18 ਪ੍ਰਤੀਸ਼ਤ ਘੱਟ ਹੋ ਰਹੀ ਹੈ ਅਤੇ ਅੱਜ 1.99 ਰੁਪਏ ਪ੍ਰਤੀ ਯੂਨਿਟ ਹੈ ।
