ਸਕੱਤਰੇਤ ਵਿੱਚ ਸੁਖਚੈਨ ਖਹਿਰਾ ਨੂੰ ਪ੍ਰਸ਼ਾਸ਼ਕੀ ਅਫਸਰ-2 ਵਜੋਂ ਅਹੁਦਾ ਸੰਭਾਲਣ ਵਧਾਈਆਂ ਦਿੱਤੀਆਂ
ਪੰਜਾਬ ਸਿਵਲ ਸਕੱਤਰੇਤ ਦੇ ਅਧਿਕਾਰੀ ਅਤੇ ਉੱਘੇ ਮੁਲਾਜਮ ਆਗੂ ਸੁਖਚੈਨ ਸਿੰਘ ਖਹਿਰਾ ਦੀ ਨਿਯੁਕਤੀ ਸਕੱਤਰੇਤ ਪ੍ਰਸ਼ਾਸ਼ਨ ਵੱਲੋਂ ਹੁਣ ਪ੍ਰਸ਼ਾਸ਼ਕੀ ਅਫਸਰ-2 ਵਜੋਂ ਕੀਤੀ ਗਈ ਹੈ, ਜਿਸ ਕਰਕੇ ਮੁਲਾਜਮਾਂ ਵਿੱਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਸੁਖਚੈਨ ਖਹਿਰਾ ਵੱਲੋਂ ਪੰਜਾਬ ਸਿਵਲ ਸਕੱਤਰੇਤ-2 ਵਿੱਚ ਆਪਣਾ ਅਹੁਦਾ ਸੰਭਾਲ ਲਿਆ ਗਿਆ ਹੈ। ਉਹਨਾਂ ਕਿਹਾ ਕਿ ਉਹ ਸਰਕਾਰ ਵੱਲੋਂ ਲਗਾਈ ਗਈ ਜਿੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ।
ਅੱਜ ਪੰਜਾਬ ਸਿਵਲ ਸਕੱਤਰੇਤ ਵਿਖੇ ਵੱਖ ਵੱਖ ਮੁਲਾਜਮ ਜਥੇਬੰਦੀਆਂ ਦੇ ਆਗੂਆਂ ਅਤੇ ਹੋਰ ਅਧਿਕਾਰੀਆਂ, ਕਰਮਚਾਰੀਆਂ ਵੱਲੋਂ ਸੁਖਚੈਨ ਖਹਿਰਾ ਨੂੰ ਮਿਲ ਕੇ ਵਧਾਈ ਦਿੱਤੀ। ਪੰਜਾਬ ਸਕਤਰੇਤ ਪਰਸਨਲ ਸਟਾਫ ਐਸੋਸੀਏਸ਼ਨ ਅਤੇ ਸਕੱਤਰੇਤ ਸਾਹਿਤ ਸਭਾ ਦੇ ਪ੍ਰਧਾਨ ਮਲਕੀਅਤ ਸਿੰਘ ਔਜਲਾ, ਨਿੱਜੀ ਸਕੱਤਰ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦੇ ਹੋਏ ਕਿਹਾ ਕਿ ਸਕੱਤਰੇਤ ਦੀ ਇਸ ਮਹੱਤਵਪੂਰਨ ਜਿੰਮੇਵਾਰੀ ਲਈ ਸੁਖਚੈਨ ਖਹਿਰਾ ਦੀ ਚੋਣ ਬਿਲਕੁੱਲ ਸਹੀ ਹੋਈ ਹੈ।
ਜੁਆਇੰਟ ਐਕਸ਼ਨ ਕਮੇਟੀ ਅਤੇ ਸਾਹਿਤ ਸਭਾ ਦੇ ਸਰਪ੍ਰਸਤ ਪਰਮਦੀਪ ਸਿੰਘ ਭਬਾਤ ਅਧੀਨ ਸਕੱਤਰ ਨੇ ਵੀ ਪ੍ਰਸ਼ਾਸ਼ਕੀ ਅਫਸਰ ਸੁਖਚੈਨ ਖਹਿਰਾ ਨੂੰ ਇੱਕ ਕਾਬਲ ਅਤੇ ਜਿੰਮੇਵਾਰ ਅਧਿਕਾਰੀ ਦੱਸਿਆ। ਅਧੀਨ ਸਕੱਤਰ ਦਵਿੰਦਰ ਸਿੰਘ ਜੁਗਨੀ ਅਤੇ ਪਰਮਜੀਤ ਸਿੰਘ ਮੂਧੋਂ ਨੇ ਇਸ ਮੌਕੇ ਆਪਣੇ ਸ਼ਬਦਾਂ ਰਾਹੀਂ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਭੰਗੜਾ ਅਤੇ ਬੋਲੀਆਂ ਪਾਉਣ ਵਿੱਚ ਮਾਹਰ ਕਲਾਕਾਰ ਭੁਪਿੰਦਰ ਸਿੰਘ ਝੱਜ, ਸੁਪਰਡੰਟ ਅਤੇ ਜੱਗ ਜਿਉਂਦਿਆਂ ਦੇ ਮੇਲੇ ਗਰੁੱਪ ਦੇ ਕਰਤਾ ਧਰਤਾ ਜਸਪ੍ਰੀਤ ਰੰਧਾਵਾ ਨੇ ਸੁਖਚੈਨ ਖਹਿਰਾ ਨੂੰ ਮਿਲ ਕੇ ਵਧਾਈ ਦਿੱਤੀ ਅਤੇ ਖੁਸ਼ੀ ਸਾਂਝੀ ਕੀਤੀ।
ਸੁਖਚੈਨ ਖਹਿਰਾ ਸਕੱਤਰੇਤ ਜੁਆਇੰਟ ਐਕਸ਼ਨ ਕਮੇਟੀ ਦੇ ਪ੍ਰਧਾਨ ਹਨ ਅਤੇ ਮੁਲਾਜਮਾਂ ਦੀਆਂ ਹੱਕੀ ਮੰਗਾਂ ਲਈ ਸਮੇਂ ਸਮੇਂ ਆਵਾਜ਼ ਬੁਲੰਦ ਕਰਦੇ ਰਹਿੰਦੇ ਹਨ। ਉਹ ਰਾਜ ਪੱਧਰੀ ਮੁਲਾਜਮ ਜਥੇਬੰਦੀਆਂ ਨਾਲ ਵੀ ਜੁੜੇ ਹੋਏ ਹਨ ਅਤੇ ਸਮੂਹ ਮੁਲਾਜਮ ਵਰਗ ਦੀ ਆਵਾਜ਼ ਸਰਕਾਰ ਤੱਕ ਪਹੁੰਚਾਉਂਦੇ ਹਨ। ਜਦੋਂ ਵੀ ਕਦੇ ਮੁਲਾਜਮ ਵਰਗ ਤੇ ਕੋਈ ਔਕੜ ਆਈ ਤਾਂ ਸੁਖਚੈਨ ਖਹਿਰਾ ਨੇ ਹਮੇਸ਼ਾ ਅੱਗੇ ਲੱਗ ਕੇ ਉਹਨਾਂ ਦੀ ਅਗਵਾਈ ਕੀਤੀ। ਇਸੇ ਕਰਕੇ ਅੱਜ ਸਕੱਤਰੇਤ ਦਾ ਹਰੇਕ ਅਧਿਕਾਰੀ ਅਤੇ ਕਰਮਚਾਰੀ ਸੁਖਚੈਨ ਖਹਿਰਾ ਤੇ ਮਾਣ ਮਹਿਸੂਸ ਕਰਦਾ ਹੈ।
ਪੰਜਾਬ ਸਿਵਲ ਸਕੱਤਰੇਤ-2 ਵਿੱਚ ਅੱਜ ਸੁਖਚੈਨ ਖਹਿਰਾ ਨੂੰ ਨਵਾਂ ਅਹੁਦਾ ਸੰਭਾਲਣ ਤੇ ਵਧਾਈਆਂ ਦੇਣ ਵਾਲਿਆਂ ਵਿੱਚ ਹੋਰਨਾਂ ਤੋਂ ਇਲਾਵਾ ਪਰਮਦੀਪ ਸਿੰਘ ਭਬਾਤ, ਦਵਿੰਦਰ ਸਿੰਘ ਜੁਗਨੀ, ਮਲਕੀਅਤ ਸਿੰਘ ਔਜਲਾ, ਪਰਮਜੀਤ ਸਿੰਘ ਮੂਧੋਂ, ਭੁਪਿੰਦਰ ਝੱਜ, ਜਸਪ੍ਰੀਤ ਰੰਧਾਵਾ, ਕੁਲਵੰਤ ਸਿੰਘ, ਅਲਕਾ ਚੋਪੜਾ, ਮਨਜੀਤ ਸਿੰਘ, ਗੁਰਿੰਦਰ ਬੈਦਵਾਨ, ਜਗਤਾਰ ਸਿੰਘ ਕੁੰਭੜਾ, ਜਗਦੀਸ਼ ਕਪਿਲ, ਬਲਜੀਤ ਸਿੰਘ, ਹਰਨੇਕ ਮੂਧੋਂ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ ਅਤੇ ਉਹਨਾਂ ਵੱਲੋਂ ਸੁਖਚੈਨ ਖਹਿਰਾ ਦਾ ਫੁੱਲਾਂ ਦਾ ਗੁਲਦਸਤਾ ਦੇ ਕੇ ਸਵਾਗਤ ਕੀਤਾ।
