Punjab

ਗੈਰ ਸੰਜੀਦਾ ਸਿਆਸੀ ਹਲਚਲ ਨੂੰ ਪਾਵੇ ਠੱਲ੍ਹ -ਚੀਮਾ ਵੱਲੋਂ ਸੋਨੀਆ ਗਾਂਧੀ ਨੂੰ ਅਪੀਲ

ਚੀਮਾ ਵੱਲੋਂ ਸੋਨੀਆ ਗਾਂਧੀ ਨੂੰ ਅਪੀਲ ,

ਗੈਰ ਸੰਜੀਦਾ ਸਿਆਸੀ ਹਲਚਲ ਨੂੰ ਪਾਵੇ ਠੱਲ੍ਹ

 

ਸੀਨੀਅਰ ਟ੍ਰੇਡ ਯੂਨੀਅਨ ਆਗੂ ਤੇ ਮੈਂਬਰ ਏ. ਆਈ. ਸੀ. ਸੀ. ਸਰਦਾਰ ਐੱਮ. ਐੱਮ. ਸਿੰਘ ਚੀਮਾ ਨੇ ਕੁੱਲ ਹਿੰਦ ਕਾਂਗਰਸ ਕਮੇਟੀ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਵੱਲੋਂ ਪੰਜਾਬ ਵਿਚ ਹੋ ਰਹੀ ਗੈਰ ਸੰਜੀਦਾ ਤੇ ਗ਼ੈਰ ਜ਼ਰੂਰੀ ਸਿਆਸੀ ਹਲਚਲ ਦਾ ਨੋਟਿਸ ਲੈਣ ਲਈ ਤੇ ਇਸਨੂੰ ਸਮਾਂ ਰਹਿੰਦੇ ਠੱਲ੍ਹ ਪਾਉਣ ਲਈ ਅਪੀਲ ਕਰ ਦਿਆਂ ਆਖਿਆ ਕੇ ਜਿਸ ਤਰ੍ਹਾਂ ਦਾ ਪ੍ਰਭਾਵ ਆਮ ਜਨਤਾ ਵਿਚ ਕੁਝ ਚੁਣਿੰਦਾ ਸਿਆਸੀ ਆਗੂਆਂ ਤੇ ਸਿਆਸੀ ਸ਼ਕਤੀਆਂ ਵੱਲੋਂ ਦਿੱਤੇ ਜਾਣ ਦੀ ਕੋਸ਼ਿਸ਼ ਹੋ ਰਹੀ ਹੈ ਉਹ ਕੋਰੋਨਾ ਮਹਾਮਾਰੀ ਦੇ ਦੌਰ ਸਮੇਂ ਆਪਣੀਆਂ ਜ਼ੁੰਮੇਵਾਰੀਆਂ ਤੇ ਇਖ਼ਲਾਕੀ ਕਦਰਾਂ ਤੋਂ ਪਰੇ ਹੋ ਕੇ ਕੀਤੀਆਂ ਜਾਣ ਵਾਲੀਆਂ ਕਾਰਵਾਈਆਂ ਗਰਦਾਨੀਆਂ ਜਾਣੀਆਂ ਚਾਹੀਦੀਆਂ ਹਨ

 

ਸਰਦਾਰ ਚੀਮਾ ਨੇ ਇੱਕ ਪੱਤਰ ਵਿਚ ਕਿਹਾ ਹੈ ਕੇ ਜੋ ਵੀ ਕਾਰਵਾਈ ,ਕਦਮ , ਰਣਨੀਤੀ , ਬੈਠਕ , ਧੜੇਬੰਦੀ ਯਾਂ ਬਿਆਨਬਾਜ਼ੀ ਜ਼ਾਹਰਾ ਯਾਂ ਗੁਪਤ ਤਰੀਕੇ ਨਾਲ ਪਾਰਟੀ ਦੇ ਅਕਸ ਤੇ ਪ੍ਰੋਗਰਾਮ ਨੂੰ ਜਾਣੇ ਅਨਜਾਣੇ ਵਿਚ ਢਾਅ ਲਾਵੇ ਉਸਨੂੰ ਤੁਰੰਤ ਨਿਬੇੜ ਦਿੱਤਾ ਜਾਣਾ ਚਾਹੀਦਾ ਹੈ ਕਿਉਂ ਜੋ ਜੱਦੋਂ ਨਿੱਜੀ ਹਿੱਤਾਂ ਨੂੰ ਸਰਕਾਰ ਤੇ ਪਾਰਟੀ ਵਿਚ ਰਹਿ ਕੇ ਪਾਰਟੀ ਤੇ ਸੂਬੇ ਦੇ ਹਿੱਤਾਂ ਤੋਂ ਉੱਚਾ ਚੁੱਕ ਕੇ ਵੇਖਿਆ ਜਾਵੇਗਾ ਉਸਨੂੰ ਬੂਥ ਲੈਵਲ ਦਾ ਵਰਕਰ ਤੇ ਜ਼ਮੀਨੀ ਇਕਾਈ ਦਾ ਪਾਰਟੀ ਉਹਦੇਦਾਰ ਜੇ ਪਾਰਟੀ ਦੇ ਹਿੱਤ ਵਿਚ ਨਹੀਂ ਸਮਝਦਾ ਤਾਂ ਪਾਰਟੀ ਨੂੰ ਬਿਨਾਂ ਕੋਈ ਸਮਾਂ ਗਵਾਏ ਅਜਿਹੀਆਂ ਸ਼ਕਤੀਆਂ ਤੇ ਸੂਰਤਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨਾ ਅਜੋਕੇ ਹਾਲਤਾਂ ਵਿਚ ਅੱਤ ਜ਼ਰੂਰੀ ਹੈ .

 

ਸਰਦਾਰ ਚੀਮਾ ਨੇ ਆਪਣੇ ਪੱਤਰ ਦੇ ਸੰਧਰਭ ਵਿਚ ਇਸ ਗੱਲ ਤੇ ਜ਼ੋਰ ਦਿੰਦਿਆਂ ਆਖਿਆ ਕੇ ਜਦੋਂ ਸਰਕਾਰ ਵਿਚ ਰਹਿ ਕੇ ਪਾਰਟੀ ਰਾਹੀਂ ਨਿੱਜੀ ਸੁਆਰਥਾਂ ਨੂੰ ਪਹਿਲ ਦੇ ਕੇ ਅਜੋਕਾ ਸਿਆਸੀ ਕੱਦ ਗ੍ਰਹਿਣ ਕਰਕੇ ਮੁੜ ਉਹਨਾਂ ਕਦਮਾਂ ਨੂੰ ਭੰਡਣਾ ਜਿਸ ਦੇ ਫੈਸਲੇ ਵਿਚ ਭਾਈਵਾਲ ਹੋਵੋ ਇਹ ਨਿਜ਼ੀ ਸੁਆਰਥਾਂ ਦੀ ਹੱਦ ਹੈ ਜਿਸ ਨੂੰ ਪਾਰਟੀ ਕੈਡਰ ਤੇ ਸੁਹਿਰਦ ਪ੍ਰਦੇਸ਼ ਨਿਵਾਸੀ ਕਦੇ ਬਰਦਾਸ਼ਤ ਨਹੀਂ ਕਰਨਗੇ .

Related Articles

Leave a Reply

Your email address will not be published. Required fields are marked *

Back to top button
error: Sorry Content is protected !!