*ਕਈਆਂ ਦੇ ਅੰਦਰ ਜਾਣ ਵਾਰੀ ਤੇ ਕਈਆਂ ਦੀ ਤਿਆਰੀ , ਮੇਰੇ ਕੋਲ ਲਿਸਟਾਂ ਤਿਆਰ : CM ਭਗਵੰਤ ਮਾਨ*
*ਸਰਕਾਰ ਅਗਲੇ ਦਿਨਾਂ ਵਿਚ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਕਰ ਸਕਦੀ ਹੈ ਵੱਡੀ ਕਾਰਵਾਈ*
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੰਗਰੂਰ ਜ਼ਿਮਨੀ ਚੋਣ ਲਈ ਭਦੌੜ ‘ਚ ਰੋਡ ਸ਼ੋਅ ਦੌਰਾਨ ਕਿਹਾ ਹੈ ਕਈਆਂ ਦੇ ਅੰਦਰ ਜਾਣ ਦੀ ਤਿਆਰੀ ਹੈ , ਮੇਰੇ ਕੋਲ ਲਿਸਟਾਂ ਬਣੀਆਂ ਹੋਈਆਂ ਹਨ । ਕਿਸੇ ਨੂੰ ਵੀ ਨਹੀਂ ਛੱਡਾਂਗੇ । ਮੁੱਖ ਮੰਤਰੀ ਨੇ ਕਿਹਾ ਕਿ ਭ੍ਰਿਸ਼ਟਾਚਾਰ ਬਰਦਾਸਤ ਨਹੀਂ ਹੋਵੇਗਾ । ਉਨ੍ਹਾਂ ਕਿਹਾ ਕਿ 70 ਸਾਲ ਤੋਂ ਤਾਣਾ ਉਲਝਿਆ ਹੋਇਆ ਸੀ ,ਹੁਣ ਇਸਨੂੰ ਠੀਕ ਕਰਨ ਦੀ ਜਿੰਮੇਵਾਰੀ ਮੇਰੀ ਹੈ । ਮੁੱਖ ਮੰਤਰੀ ਨੇ ਕਿਹਾ ਕਿ ਝੂਠੇ ਪਰਚੇ ਰੱਦ ਹੋਣਗੇ । ਮੁੱਖ ਮੰਤਰੀ ਨੇ ਕਿਹਾ ਕਿ ਮੇਨੂ ਮੁੱਖ ਮੰਤਰੀ ਬਣਾ ਕੇ ਤੁਹਾਡੀ ਜਿੰਮੇਵਾਰੀ ਖ਼ਤਮ ਹੋਈ ਹੈ । ਲੋਕਾਂ ਦੇ ਖੂਨ ਨਾਲ ਰੰਗੀਆ ਹੋਈਆਂ ਫਾਈਲਾਂ ਹਨ ਅਤੇ ਲੋਕ ਹੀ ਹੁਣ ਇਸ ਤੇ ਫੈਸਲਾ ਕਰਨਗੇ ।
ਹਾਲਾਂਕਿ ਮੁੱਖ ਮੰਤਰੀ ਨੇ ਆਪਣੇ ਰੋਡ ਸ਼ੋ ਦੌਰਾਨ ਸਾਫ ਕਰ ਦਿੱਤਾ ਕਿ ਕਈਆਂ ਦੇ ਅੰਦਰ ਜਾਣ ਦੀ ਵਾਰੀ ਹੈ ਅਤੇ ਕਈਆਂ ਦੀ ਤਿਆਰੀ ਹੈ । ਦੂਜੇ ਪਾਸੇ ਉੱਚ ਸੂਤਰਾਂ ਦਾ ਕਹਿਣਾ ਹੈ ਕਿ ਸਰਕਾਰ ਅਗਲੇ ਦਿਨਾਂ ਵਿਚ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਵੱਡੀ ਕਾਰਵਾਈ ਕਰ ਸਕਦੀ ਹੈ । ਇਸ ਸਮੇ ਇਕ ਮਾਝੇ ਤੇ ਇਕ ਮਾਲਵਾ ਦਾ ਮੰਤਰੀ ਨਿਸ਼ਾਨੇ ਉਤੇ ਹੈ , ਜਿਸ ਦੇ ਖਿਲਾਫ ਸਰਕਾਰ ਨੇ ਕਈ ਸਬੂਤ ਲੱਭ ਲਏ ਹਨ । ਜਿਸਨੂੰ ਜਲਦੀ ਹੀ ਸਰਕਾਰ ਕਾਬੂ ਕਰਨ ਜਾ ਰਹੀ ਹੈ ।
